Üba de gaunz oamen Kinda
Die 4D hat sich mit Gedichten der verstorbenen österreichischen Schriftstellerin Christine Nöstlinger beschäftigt, die einen Gedichtband „Über de gaunz oarmen Kinder“ herausgegeben hat. Alle Gedichte darin sind in Mundart. Frei nach diesen Vorlagen wurden die folgenden Gedichte verfasst.
De Guadn und de aundan
Es is immer des Gleiche.
I bin ned schlecht in da Schui.
Oba s`Lerna gfreit mi ned. Drum griag i
meistens schlechte Notn.
In da Schui is eh gaunz oafoch, des Lerna,
wie do kau ma eh nix aundas mocha.
Dahoam is‘ owa fü bessa, wei do hüf i in Votan imma
de Garasch zu repariern.
Und Rosn mahn moch i a gern,
oba soboid i fertig bin mit da Hockn
gfreit mit s`Lerna a nimma.
Und sowos kau da Lera a ned benotn
Von Samuel Sixt
Mei Moped
Heitzutog kaumma nimma so fü wi friea midn Moped foan.
Wie si imma glei alle aufregn.
Wann mas Moped austadt, daun is natürli laut, owa
I foa eh imma so leise wieas mögli is.
Waun i amoi zu an Freind mitn Moped foan wü,
daun regt si sei Nochba auf,
weils aunscheinend so laud is.
Hiaz mias ma woascheinli unsere Sportausbuf
Owa schraufn und
De oidnwida aufi,
weils sunst so laut san, de Moped.
Früa, hod mei Papa vazöht, das‘ imma
Umanaunda gfoan san,
sogoa nebn da kiwarei
und koana hod wos gsogt.
I mechad damit sogn, das‘
se ned imma olle glei so aufregn miasn,
sondan oafoch amoi
nochdenga
wias ba eana früa woa und
uns ned in Spaß nemma soin.
Von Sebastian Fischer
De Guadn und de aundan
Es is ima des söbe .
De an haum de guadn Notn
Und de aundan san bled.
Waun i in da Schui
A schlechte Notn schreib
Daun gibts dahoam Granada.
Daun hoasts wieda amoi, de
kau jo goa nix. Wie soi den de a Hockn finden.
Owa dOma sogt jeds moi wieda: Mei Meinsch,
aus dir wird amoi a fleißigi Dirn.
Oiwei woins heitzutog nur mehr studiern,
owa des is jo a nix.
I kau ois meglichi
Fia mei Schwesta an Nudlsolot kocha,
bam Moped wos herrichtn, Wesch woschn
und auf da Baustö bin i voi gern.
Owa fia des hod da Laara kann Ansa.
Von Jasmin Steininger.
De Guadn und de aundan
Es is imma des söbe in Mathe.
De an verstehens und de aundan ned.
Waun ma si de Trapez-Fomel,
den Satz des Pytagoras oda oafoch
des Adiern ned merkt,
is des ned so guad
und da Lera denkt du bast ned auf.
Waun ma ois richtig hod owa daun
Meta stott Zentimeta nimmt und
ois wieda foisch is,
daun denkt ma si, ob ma ned dumm is.
Und waum ma daun an Viera schreibt
Denkt ma si nur:
Zum Glick hau i kann Fünfa.
Owa daham kau i an Kuchn bockn,
An Schokokuchn oda an mid Kokos.
Oda sogor Keks kau i guadi mochn.
I kau de Gramm auf Kilo umwaundln
Und ois obwiegn.
Owa daun in Mathe versteh i des
Scho wieda ned.
Wie des kau i nur daham.
Von Enya Hager